جربـوا هـذا السـحر وأعـطونـي رأيـكـم ..

من فترة شفت هاي الصورة ع الفيس أنا رح أحطّلكم إيّاها وكل واحد منكم يركّز بالدائرة الحمراء اللي بالنص وبعدين يشوف كيف رح تختفي الدائرة الزرقاء بطريقة سحريّة ...

المهم ..

أنا عجبتني فكرتها ..

بس بنفس الوقت خلّتني أفكّر بإشيا كتيرة ..

هلأ نحنا بنمر بمشاكل بحياتنا وما في حدا أحسن من حدا ..
بئولوا " اللي بشوف مصايب النّاس بتهون عليه مصيبته "
ومع هيك كل واحد فينا بفكّر حاله حامل هموم الدنيا ع أكتافه..


لو كل واحد فينا ...

فكّر شوي بس بالإشيا المميزة والنعم اللي ربنا عطاه إيّاها ..

ويفكّر كم هو محظوظ اللي ربنا أعطاه الصحّه في وقت كتير ناس بكونوا عندهم أمراض خطيرة..

ويفكّر كم هو محظوظ اللي ربنا أعطاه نصيب من المصاري بالوقت اللي فيه كتير ناس بتشحد..

ويفكّر كم هو محظوظ اللي ربنا منحه مأوى وبيت يسكنه في الوقت اللي فيه كتير مرميين ومشردين بالشوارع ..

وأهم شي ...

لو يفكّر كم هو محظوظ إنه إنولد وإجى ع هالدنيا مسلم ..
في الوقت اللي فيه مليارات البشر كفّار وما رح يشمّوا ريحة الجنه ...


لو نفكّر بهاي الإشيا كلها رح ننسى همومنا شو ما كانت ..

متل الدائرة الزرقاء ..

لو نركز بالحمرا بننساها وبتختفي تماماً ...


دايماً .. " إحمدوا ربكم ع اللي عندكم لأنه اللي عندكم حلم كبير لغيركم " ...