حجتنا ع باب الدار - لا يأس مع الأمل

حجتنا ع باب الدار

حاملا الحزن بالجرة

ودمعها على الخد جرار

الأيد عل الخد والقلب على الولد

من صغروا لبس الكاكي

قدامها أقسم يمين

يلتحق بركب الأحرار

منجلها بين أيديها

وعيونها بعد الجدار

قلت لها لشو هالحسرا

قالت عيشتنا المرة

العدو ساكن داري وأنا أنطرد بره

قلبي يزفر بالآهات

على شجرة دفلا وذكريات

وزيتونة في قاع الدار

وخيرات بستاني الأخضر جرفها جيش الاحتلال

شفتا عم تبكي وتنوح دموعها بالألم اتبوح

وتقول بصوتها المبحوح بلادي ما بترجع خضرا

إلا بالدم المدرار

قلتلا صبرك ستي الأمل بأولادك موجود

والله هالأرض لتعود

كرمالها بالروح نجود

حتى يفل الأستعمار ........وعلى الأقصى يرفع الراية

أصغر واحد في الثوار

قالت يا بنيي وكتيش

وإحنا قتلنا الاستهتار

الغيرة أعمت أبصارنا ضيعنا نشوة الانتصار

عدونا بتفنن فينا غير النصر ما يشفينا

ويكفينا وحش الحصار

بذلنا استأسد الجبان

بوطنا يسرح ليل نهار

وإحنا على بعضنا طغينا

تركنا أعدانا تتهنا وانسينا الذلة والعار

صرنا لأنفسنا أعداء نسينا الدم والأشلاء

أطلقنا على بعضينا النار

نسينا صايل وأبو جهاد والشقاقي مع عياش

وناجي العلي ودرويش نسينا أبو علي المغوار

انسينا أيام احمد ياسين

وضيعنا أمل الختيار

قلت لها صبرك ستي بكرة بترجع الصحوة

وتصحا من النوم الوحدة وتنفض عنها الغبار

وتتوحد فتح وحماس وجهاد وجبهة تصير متراس

ونكبر بصوت واحد ونصمد سوى وما ننهار

ونخلي الأرض خضرا ونزرع الصحراء بأزهار

» بين الأمل...والأجل...هل أحسنا العمل ..؟